السبت، 22 مايو 2010

مش عارفه


ملخبطه وتايهه
مابقتش عارفه  تعيش في الوهم ولا الحقيقة
فجأه تاهت في طريقها مابقتش عارفه سكتها رايحه ولا جايه

انا مين وفين وايه الي جابني هنا؟؟؟؟
دي دنيتي ومكاني ولا مكان واحده تانيه عايشه في جسمي وبتتنفس بيا
هو انا انا ولا انا مش انا ؟
حاسه اني واحده تانيه مابقتش عارفاني مكاني فين وطريقي جاي منين رجليا هاتوديني علي فين؟؟

اخر الكلام ده مش مكاني والدنيا دي مش بتاعتي
نفسي اشوف ربنا اوووي
صحيح ماعملتش حجات حلوة كتير اقدر اقابله بيها وحجات كتير كان نفسي اعملها وماحصلتش
بس برضو مارتكبتش ذنوب كتيره تخليني اخاف
انا بجد محتاجاله اوي
تعبت من الدنيا والي فيها
حياتي ليس لها معني عندي.

ياريت كل الي يقرا البوست ده يدعيلي  ربنا يرزقني الشهاده في اقرب وقت

هناك 6 تعليقات:

  1. ربنا معاكي بجد... كلام يخوف بصراحة ويبعد عنك الفكرة دي ...واحنا كل اللي نقدر عليه انه يبعد الفكرة دي اصلا من مخك...

    ردحذف
  2. الف لابأس عليكى ياستى وحدى الله كده وخلى املك فى الله

    ان شاء الله يحصل تغير كويس فى حياتك يديكى امل ودفعه

    روقى كده وان شاء الله دوام الحال محال

    ربنا يرزقك راحه البال ويفوك كربك
    يارب يهدى سرك ويفتحها عليكى ان شاء الله

    ردحذف
  3. والله العظيم نفس الحالة دى عندى بس انا مش مستسلمة وبدعى ربنا وعندى امل فى اللى خالقنى ولازم يكون فى يأس عشان نقدر نميز الامل اعملى حاجة بتحبيها تشغلك واوعى تستسلملى وادعى ربنا "ياحى ياقيوم برحمتك استغيث اصلح لى شائنى كله ولا تكلنى الى نفسى طرفة عين"
    ولما تلاقى نفسك لوحدك اهربى منها باى حاجة تشغلك
    ربنا يكشف كربك وكرب كل متضايق
    اختك همسة

    ردحذف
  4. اخويا تراكيبو ربنا يكرمك بجد واتطمن انا الحمد لله بقيت كويسه بس ادعيلي بالشهاده برضو
    وربنا يرزقنا الجنه جميعا

    ردحذف
  5. اختي الجميله richardCatheart
    فعلا دوام الحال من المحال وربنا يكرمك بجد علي الدعوة الحلوة دي انا محتاجاها اوي يارب يفك كرب الجميع ويبعد الهم والحزن عن الناس كلها
    ربنا يسعدك ويسعد ايامك انتي وكل الي بحبهم

    ردحذف
  6. همسه :) الظاهر علشان احنا اقواس زي بعض
    بجد ميرسي علي النصيحه باذن الله هاعمل بيها
    اللهم فرج هم المهمومين ونفس كرب المكروبين، وأقض الدين عن المدينين، ويسر أمور المسلمين، اللهم اجعل لنا من كل هم فرجاً، ومن كل ضيق مخرجاً، ومن كل بلاء عافية، ومن كل مرض شفاء، ومن كل دين وفاءً، ومن كل حاجة قضاءً، ومن كل ذنب مغفرة ورحمة اللهم آمين

    بجد بشكركم كلكم علي دعواتكم ليا ربنا مايحرمني منكم ويسعد ايامكم

    ردحذف